خليني أوضحلك شوية معلومات مرعبة عن الإعلان ده، إعلان لميسي ورونالدو لأول مرة في تاريخهم مجتمعين، مع شركة LOUIS VUITTON، وهي شركة شنط.
– الإعلان ده، مش لمنتج خاص بالشركة، ولا يعتبر للشركة نفسها، لإن بديهيًا جدًا لك أن تتخيل حجم المكاسب اللي المفترض الشركة هتكسبها علشان تقرر تدفع أجر ميسي ورونالدو.
– أومال الإعلان ده لمين؟ الإعلان ده لكاس العالم، آه بالظبط كدة، الشنطة اللي قدامك دي اللي بيلعبوا شطرنج عليها، دي شنطة من ماركة LV، وهي كانت الشنطة اللي بيتنقل فيها كاس العالم أثناء زيارته لكل البلاد للمحافل، قبل البطولة.
فإستدلالة الصورة هنا، هو إن ميسي ورونالدو بيتنافسوا على الكاس اللي جوا الشنطة دي، واللي أظن لو حد منهم حققها، هيكون متجهز صورة تانية للمنتصر منهم وهو بيهزم التاني.
– ميسي هنا مقصود يتصور بالوضعية دي من الجلوس ووضعية اليد، ودي الوضعية المعتادة لـ “جاري كاسباروف” المصنف بإنه أفضل لاعب شطرنج في التاريخ.
– رونالدو مقصود يتصور بالوضعية دي من الجلوس ووضعية اليد، ودي الوضعية المعتادة لـ “ماجنوس كارلسن” الملقب بإنه أفضل لاعب شطرنج في عصره.
يعني ببساطة، التنافس هنا، بين أفضل لاعب في التاريخ وأفضل لاعب في عصره.
وبرضو مقصود إن الإعلان ينزل قبل يوم واحد من بطولة كاس العالم، لإن زي ما قولتلك، الإعلان أصلًا للبطولة مش لماركة الشنط.
ختامًا بقى، مجرد توقع مني، إن اللي يقدر على أجر ميسي ورونالدو في إعلان واحد، مش شركة أبدًا، لإن مكاسبهم مهما كانت فهي إستحالة تغطي التكاليف، اللي مستعد يدفع فلوس علشان إعلان زي ده وبدون مقابل، هو دولة، الدولة المستضيفة لكاس العالم: قــطــر.
