تسجيل 122 إصابة بـ”كورونا” في بلدة جنوبية.. ورئيس البلدية يُطلق صرخة رجاء وتمنّي !!
بالأسماء…. تسجّيل 122 إصابة بفايروس كورونا… وصرخة أطلقها رئيس بلدية الصرفند الأستاذ علي خليفة…
يا أهلنا :
بلشنا نسقط…
طبيب (ة) ورا طبيب (ة) …
ممرض (ة) ورا ممرض (ة) …
متطوع (ة) ورا متطوع (ة) …
وبعد في نسبة كتير كبيرة من الناس مستهترة ….
في نسبة عم تقامر بأرواح غيرها ….
في أصحاب أماكن تجمع من مقاهي وغيرها عم تتذاكى بتجمع الشباب وبتسكر الأبواب لتوهم الناس إنه هيي مسكرة ….
ما تخافوا من محضر الضبط … خافوا من ضميركم اللي رح يعذبكم إذا إنصاب حدا وتأذى بسببكم …
بدي قلكم كلمتين :
لهاللحظة بعدنا عم نقدر نقوم بالواجب تجاه المصابين ؛ بس ما عارفين لأيمتى رح نضل صامدين …
كل ما عم يزيد عدد المصابين كل ما عم تتناقص قدراتنا ويزيد تقصيرنا ….
ساعدونا نكمل ونستمر …
ما عم نطلب منكم إلا إنه كل حدا منكم يكون كفيل عيلته وبيته ت نحافظ على أرواحهم ….
يا شباب ويا صبايا الصرفند :
المركب رح يغرق …
إرحموا حالكم وإرحموا أهلكم وإرحمونا بطريقكم …
إلتزموا الحجر المنزلي هالفترة …
إلتزموا التباعد الإجتماعي …
إلتزموا الكمامة والتعقيم ….
بيكفي إستهتار …
كفى لامبالاة …
