لا زال البحث جار عن العنصر في الجيش اللبناني جلال عبدالحق من بلدة عين عطا في راشيا الوادي والذي فقد منذ أيام . وقد أرسل لنا أحد افراد عائلته هذه الكلمات لنشرها لعلها تساعد على فك لغز اختفائه … واليكم ما وردنا …
مش مقبول يختفي شاب من ليل الثلاثاء لهالساعة وبعد ما انعرف شي ولا حتى راس خيط يطمّن قلب أهلو .. كيف ليكون هالشاب عسكري ومسؤول من دولتو !! وين استنفار الأجهزة لحماية أمن المواطن !؟ كيف بدنا نأمّن ع ولادنا يطلعوا من البيت ويرجعوا بخير بقى !؟ رجاءً كل واحد فينا بيقدر يساعد بدعوة من قلبو يمكن كرمال الله يبرّد قلب امّو يللي ناشدت اي حدا عندو معلومة يبلّغن فيها .. ادعوا معنا ومع والدته لجلال يرجع بخير ويريّح قلب أهلو وكل يللي بحبّوه .. حتى الساعة لا يزال الغموض يلفّ قضية اختفاء العسكري في الجيش اللبناني جلال عبد الحق من بلدة عين عطا راشيا الوادي ليل الثلاثاء من أمام منزل والديه في عين عطا .. ولا زال أهله يناشدون من يعرف عنه أي معلومة التواصل معهم على الأرقام التالية ؛ 70741124 81384148 انشالله البوست المقبل يكون لنطمّن كل حدا سأل عن جلال بخبر مفرح
