خاص صور برس – حيدر عطوي
كتبت أماني ابراهيم بزون إبنة بلدة عيتيت الجنوبية تحية لوالدتها بعد شفائها من مرض السرطان . وهذا ماكتبته على صفحتها على الفيسبوك
“الصحة كنز لا يفنى”
جملة ما حدا بيعرف قيمتها فينا .
قبل نهار ٢-٣-٢٠٢٠ كنا كلنا عايشين بحالة الأمان وكانت فكرة المرض بعيدة عن عقلنا ، وكان لما يخطر عبالنا او يمرق حديث عن الكانسر نقول “بعيد من هون ” ولحد هلق منقول هيك …
ماما الإنسانة القوية يلي من أول ما وعيت على هالدني وانت ملقبة “بالقوية” من الكل ، قوية بكل شي بالحب ، بالحنية ، بالحياة ، مع كل الظروف ، وضد الكانسر
بطلتنا الحلوة،فترة بشعة بعرف مرقت علينا كلنا،خفنا عليكي كتير وبكينا بالسر ،وكنا نخبرك اديه كنتي حلوة وصرتي احلى .
بقولوا ما بحس بالوجع إلا صاحبو ، اي صح الوجع الجسدي ،بس الوجع النفسي كان على كل يلي بحبوكي ، خاصة لما بكون الشخص روح البيت ونفساتو.
كنا كلنا قوايا وتخطينا المرحلة ونجحتي بإختبار ربنا وحبو إلك “وإذا أحب عبداً إبتلاه” وكنتي القوية الحلوة دلوعة الكل والبطلة لأن يلي بيقطع بالمرض وبالأخص فترة العلاج وبينجح بكون بطل .
لأن يلي بيقطع بالمرض وبالأخص فترة العلاج وبينجح بكون بطل .صح فترة بشعة بس بينتلك أديه الكل بحبك وبخاف عليكي وأديه في ناس طلعت مجرد أسماء بلائحة الحياة سواء قريبة أو اصلاً هي بعيدة ، وأثبتتلك أنو المحبة بتبين بوقت الشدة .
الحمدلله خلصنا مراحل العلاج وكل شي منيح ورجعتي أحلى وأقوى وانشالله بتضلك هيك بصحتك وعافيتك كل العمر إنت وبابا.
والله يبعد عن الجميع وعننا كل الأمراض .
الحمدلله عكل شي يا بطلتنا
.
.