خطأ طبي عند طبيب الأسنان يودي بحياة الطفل “زين”.. وهذا ما قاله والده عن الحادثة..!!
الطفل زين العابدين ابراهيم ابن ال 9 سنوات وحيد لأهلو … ضحية جديدة من ضحايا اخطاء التخدير و كانت مشكلتو بسيطة كتير و انو تأخرو اسنانو اللبنية ليسقطو فأخدوه أهلو على أحد عيادات اطباء الاسنان ( أ . ف ) بدمشق
طبيب التخدير ( ع . ب ) اعطاه اول ابرة تخدير و فاق الولد قبل ما يخلصو قلع اخر سن , قام اعطاه الدكتور ابرة تانية اللي كانت سبب بانخفاض الاكسجة عندو لل 30 و بعد ما طلبولو سيارة الاسعاف لياخدوه عالمشفى … بالعناية المشددة صابو أذية بالجملة العصبية و توقف قلبو و توفى زين بتاريخ 2/5/2023
أهل الطفل أكدو انو ما كان بيعاني من أي مشاكل صحية سابقا و مشكلة الاسنان شي طبيعي بيتعرضلو عدد كبير من الأطفال …
و انو كان طبيب التخدير لازم يعمل اختبار و تحاليل للطفل قبل ما يعطيه المخدر … بينما هو ما عمل اي اختبار ولا سأل أهلو أي سؤال
