الاعلامية لورين قديح ترد على بعض المغتربين المعارضين . بكفي تنظير . أنتو لو قدرتوا غيرتو ماكنتو فليتو

Whatsapp

هاجمت الاعلامية والفنانه لورين قديح بعض المغتربين وتحديدا المعارضين منهم بقوة وذلك على صفحتها على الفيسبوك ردا على تغريداتهم التي تحمل اللبنانيين مسؤولية مايجري بهم بحجة تقاعسهم عن مواجهة السلطه . وهذا ماكتبته لورين على صفحتها . 
بقاش عندي قدرة اتحمّل تنظير من ايّ لبناني هاجر وعَبَر المانش او الاطلسي وحسّ حالو كريستوف كولومبوس اكتشف القارات وقاعد ماسك علينا السوط عم يجلد بسمانا .
انتو لو قدرتوا غيرّتوا ما كنتوا فلّيتوا.
كأنو نحنا ما منعرف انو عنا فساد وفاسدين ولازم نثور .
بلد فيو ١٨ طايفة وكل طايفة صالية عالتانية وما بتطيق التانية ومْهَدّيهن عن بعضن وهم العيش المشترك.
يلّي بيحلف بالاب والابن
ويلّي بيحلف بالله الذي لم يلد ولم يولد
ويلّي بيحلف بالخمس حدود
ويلّي بْيِزني من بوسة
ويلّي مسمحلو مثنى وثلاث ورباع
ويلّي بيوقع بالخطيّة اذا شرب نبيذ
ويلي بِصَلّب بالخمسة ويلي بِصَلّب بالثلاثة ويلّي ما بِصَلّب.
ويلّي ويلّي ويلّي
يلّي حاكم لبنان سياسيين محميين من طوائفهم ،و محاسبة سياسيين زعما فاسدين يعني حرب طوايف..
يلّي فيكم تعملوه انّو تساعدوا اهلكم يضلّوا على قيد الحياة،ابعتولهم معنويات ودولار يورو باوند يَنّ شحار مشحّر ل بين ما يضربنا زلزال او شي نيزك او يقضي علينا هالوباء ومنبلّش عنضيف ..
بسّ من هلّق لوقتها ،احتفظوا بتنظيركم ببلعومكم
حلّوا عن سما اللبنانيي ،حلّوا عن سمانا

Whatsapp